Ажил дээрээ компьютерийн ард удаан суух, гэртээ ТВ үзэх, утсаар удаан ярих зэрэг бидний амьдралын олон зүйлс хүзүүний өвчинг үүсгэх хүчин зүйлс болж байдаг.Нийт хүмүүсийн 45 хувь нь хүзүүний өвчинтэй гэсэн баримт байдаг аж. Ингээд та бүхэндээ 5 минут хийх 7 янзын дасгалыг санал болгож байна.
Та уг дасгалуудыг өдөр бүр хийж заншиснаар хүзүүний хөшилт,хуян хөөрөх зовиурыг дахин мэдрэхгүй байх болно.Алхам 1: Хүзүүнийхээ булчинг амраана. Дасгал хийх байрлал:Өөрт тухтай байдлаар нуруугаа эгцлэн сандал дээр сууна.Хэрхэн хийх вэ?Хоёр гараа дагзан дээрээ байрлуулна.Эрүүгээ доошлуулж цээжиндээ хүргэнэ.Хүзүүний арын сунгалт хийхийн тулд гараараа толгойгоо зөөлхөн дарж өгнө. Дасгалын үргэлжлэх хугацаа:30 секундийн турш хийнэ.Алхам 2: Мөр болон далны хэсгийн уян хатан байдал. Анхны байрлал : Өөрт тухтай байдлаар нуруугаа эгцлэн сандал дээр сууна.
Хэрхэн хийх вэ?Баруун гараа дээш өргөн тохойгоороо нугалан арагш нь сунгаж, зүүн гараа нурууныхаа ард авч 2 алгаа нийлүүлнэ.Нуруу шулуун байрлалд байх бөгөөд цээжээ урагш төвхийлгэн хоёр гараа нурууныхаа ард чагтлан барина.Гар болон цээжний хэсгийн сунгалт болно. Нэг талдаа 30 секундийн турш хийнэ.
Алхам 3: Хүзүү мөрний хэсгийн цусны урсгалыг нэмэгдүүлэх.Анхны байрлал:Хөлдөө мөрний хэмжээтэй зай аваад шулуун байрлалтай зогсно. Дасгалаа хэрхэн хийх вэ? Бие шулуун байрлалд мөрөө эгц дээш өргөж хэдэн секундийн турш барина. Мөрөө доошлуулаад дасгалыг давтан хийнэ.Дасгалын үргэлжлэх хугацаа:30 секундийн турш хийнэ.Алхам 4:Гарын булчинг суллах. Дасгал хийх эхний байрлал:Зүүн талаараа ханатай зэрэгцэн шулуун зогсоно.Зүүн хөл баруун хөлнөөс нэг алхамын урд байна.
Хэрхэн хийх вэ? Биеийн дээд хэсгээрээ зүүн хойш эргэж зүүн гарын алгаа хананд наагаад алгуурхан биеэ буцаж эргүүлнэ.Зүүн гарын алга хананд толгой урагш харсан байрлалтай байна. Цээжиндээ сунгалт мэдрэгдэх хүртэл хэмжээнд мөрний булчингийн сунгалтыг хийнэ. Нэг талдаа 30 секундийн турш хийнэ.Алхам 5: Хэлбэржүүлэх дасгал.Эхний байрлал:Суудал дээр өөрт тухтай байдлаар суух бөгөөд нуруу болон мөр шулуун толгой урагш харсан байна. Ямар дасгал хийх вэ? Гарынхаа 2 хурууг ашиглан эрүүгээ урагш сунгах болон хойш нь давхар эрүү үүсгэхэд зөөлөн даралт үзүүлнэ. Дасгалыг 2 секунд хийгээд давтана.Дасгалын үргэлжлэх хугацаа:30 секундийн турш хийнэ.Алхам 6: Булчин татахаас сэргийлэх дасгал.Дасгал хийх анхны байрлал:Нуруугаа эгцлэн өөрт тохиромжтой байдлаар сууна.
Дасгалыг яаж хийх вэ Хоёр гараа дээш өргөн алгаар нь нийлүүлнэ.Толгойгоо зүүн тийш нь эргүүлнэ. Хэдэн секундийн турш бариад алгуурхан баруун талруу эргүүлнэ.Хоёр секунд бариад зүүн тал руу дахин эргүүлнэ. Дасгалын үргэлжлэх хугацаа: 30 секундийн турш хийнэ.Алхам 7: Мөрний булчинг бэхжүүлэх дасгал. Дасгал хийх эхний байрлал Хэрхэн хийх вэ? Хоёр гараа эгц дээш шулуун өргөөд алгаа нийлүүлнэ. Энэ байрлалаар хэдэн секундийн турш барина. Алгуурхан гараа доош буулгаад, тохойгоо нугалаад нурууныхаа ард аваад боломжтой хэмжээнд хүртэл нь хоёр гараа нийлүүлэхийг хичээх хэрэгтэй. Хэдэн секунд болоод гараа дээш өргөн дасгалыг давтан хийнэ. Дасгалын үргэлжлэх хугацаа : 1 минут АНХААРУУЛГА : Бүх дасгалыг алгуурхан хийх ёстой. Огцом хурдан хийж болохгүй. Орчуулсан: Х.Гэгээ Эх сурвалж: gegeeone
